Eindelik maoge veer weer! ’t Senaat van de Flaarisse oet Gelaen vruijt zich op de 17e Buutesjpas dae op vriedig 25 november in de Hanenhof in Gelaen wurd georganiseerd.

  • Weer same lache in eine gezellige atmosfeer in de Hanenhof, wo de Buut tot zien rech kump en d’r respect is veur de artieste die ós ammezere.
  • Lache mit en óm Hub Stassen, dae ós es sjpraeksjtalmeister door de aovend leidt en dat mit väöl humor en joekse deit.
  • Lache, giere, brulle mit de Limburge Buutereedners die hun beste bein veurzètte. En jao, de top drie van de lètste Buutekampioensjappe is van de partie in ós Waereldsjtad.
  • Lache óm en mit de entreepries van €13,50! Ondanks alle inflatie-eëlenj hilt ’t Senaat de pries geweun geliek. En bèn eërlik, veur dat bedraag  höbs te op ’t Oktoaberfeës get meë es eine hawve liter beer.

De veurverkoup is op 1 november van sjtart gegange bie Kapsalon Roumen oppe mert in Gelaen, bie kapper Cor Roumen oppe Riekswaeg in Gelaen en bie Rousseau chocolade Passage 2 in Gelaen.

Geer zeet welkom op 25 november in de Hanenhof. De zaal geit aope om 19.00 oer en de Augustiner Blaoskapel zal uch dan al in ‘n gooj sjtömming brènge.

Foto Fer Naus