Wo veer veurig jaor de grote laegte op vastelaoveszóndig höbbe opgevöld mit ein live event van Radio Nónnevot, bliek dit jaor dat dit laok waal èns neit mee zo groot zal waere. Es de corona regelkes versoepeld waere en zellefs verdwiene maak veer voort plaatsj veur de richtige vastelaovend. Mit anger weurt: Veer maake dit jaor op vastelaoveszóndig de TOP111 marathon oetzending op Radio Nónnevot! Jao, dan wurt ‘t vastelaovend …..
Sjtöm via deze link www.radiononnevot.nl/sjtomme op dien sjoonste vastelaovesleidjes van Zitterd. Zo zörge veer d’r saame veur dat de bèste en aller allersjoonste leidjes in de TOP111 terech kómme en vastelaoveszóndig zeen te heure!
Loester vastelaoveszóndig vanaaf 11:11 oere in de sjtad, in de keffee’s of thoes nao de TOP111 dae veer op Radio Nónnevot oetzenje! Dao heurt geer de bèste 111 Zittesje vastelaoves nómmesj van 2022 mit de oeteindelik wènner op nr. 1! En natuurlik kómme ouch de letste podcasts van ooze raozende reporter veurbie!
Duuk in de fóddele en trèk eur sjoonste pekske aan. Ammezeier uch dees daag op ein auwwerwetse en fien meneier. Mit vrunj of femieje in de sjtraot en oppe mert. In de opmarsj nao deze sjtraotcarnaval sjtruije veer nog mit pries. Sjtöm aaf op Radio Nónnevot en wèn nog eine hittepetit of grotere pries.
Dank aan uch loesteraesj, mechelkes & sjnaake die weite wie me richtig vastelaovend mót maake. Pès ’t kómmend jaor wènt wie dan ouch blif Radio Nónnevot same mit ooze prechtige Zittesje Vastelaovend besjtaon!
Radio Nónnevot wunsj uch eine zeelige vastelaovend!
