Het is u als lezer misschien opgevallen, maar in de papieren en digitale versie van MIJNGazet zijn op de pagina’s van de Vief van Gelaen de stadsprinsen van een seizoen eerder afgebeeld. De redactie zat waarschijnlijk al met het hoofd in de groen-gele wolken. Toen deze mist was opgetrokken was de krant al gedrukt en konden we er niks meer aan veranderen. Daarom hierbij de juiste hoogheden!
Sjtadsprins Sjoerd I Reintjens
De Vastelaovend viert Sjoerd al jaore in Waereldsjtad. Einmaol prins te maoge waere waor al jaore ziene groate druim. Wie ‘r nog eine kleine jóng waor haet ‘r ‘t prins zeen al eins van dichbie maoge mitmake wie zien awwere broor Niels in 2001 al adjudant bie Sjtadsjeugprins Tom II waor.
Samen mit zien vrunj en adjudante Jeroen Reintjens en Indy Olthof geit Sjoerd d’r ein fantastische vastelaovend van make.
Es 76ste Sjtadsprins van de Waereldsjtad Gelaen zal Sjoerd Iregeere onger zien liefsjpreuk:
“Ós Waereldsjtad, dao kènt nemes taegeop.
Same hosse, drènke, zènge
En ich maog eindelik veurop
Heerlik Gelaen!
GELAEN ALAAF!
Sjtadsjeugprins Sepp I Vallen
Sepp zit in groep 8 van basissjoal De Driesprong, voetbalt bie de JO 12 van FC Gelaen-Zuid en deit in zien vrieje tied gaer klusse, kaoke, en gezellig tied mit familie doorbrènge.
Es adjudant haet Sepp, ziene naef Siem Schäfer oetgekaoze. Same vorme zie ein duo dat de vastelaovend mit de paplaepel het ingegaote haet gekrege. Zo waor de pap van Sepp, Raymond Vallen in 1992 al Sjtadsjeugprins en in 2004 Sjtadsprins van Gelaen. De pap van Siem, Chris Schäfer is zelf vreuger ouch lid gewaes van de jeugraod van de Flaarisse en moch in 2004 ziene naef Raymond assistere es adjudant. Alle väöl jaore loupe ze same mit de awwesj en vrunj mit in de groate waereldsjtadoptoch es de groep Greuëtsj OP Gelaen (GOG).
Es 65ste Sjtadsjeugprins van de Waereldsjtad Gelaen zal Sepp I regeere onger zien liefsjpreuk:
Voetballe doon ich gaer,
Greuëtsj sjtaon ich hie mit ein vaer.
Heerlik Gelaen, dit sjmaak nao meer!
Doog mit, gaef door, veer maoge weer!
GELAEN ALAAF!
